Yüngül atletika üçün örtüklər

PU Sprey sistemi qaçış yolları üçün istifadə olunan ən sərfəli örtükdür. Bu sistem yerli və beynəlxalq səviyyəli yüngül atletika yarışlarının keçirilməsi üçün istifadə olunur və IAAF(Beynəlxalq Atletika Assosasiyaları Federasiyası) tələblərinə cavab verir. PU Sprey sistemi beton və ya asfalt alt baza üzərinə döşənən 10mm-lik SBR qranul qatından və EPDM tozu ilə qarışdırılmış iki komponentli poleuretan yapışdırıcısından ibarətdir. Xüsusi aqreqatlar vasitəsilə montaj olunan bu sistem 10 ildən çox müddətə öz ilkin keyfiyyətini saxlayır və uğurla istismar olunur. Bu örtük suyu keçirdiyindən, hətta güclü yağışdan sonra da istifadə üçün tam yararlıdır. Möhkəm struktura malik örtük şipli ayaqqabı ilə qaçış üçün nəzərdə tutulub və zədələnmir. PU Sprey sistemli qaçış yolları məktəb stadionlarında və yüngül atletika manejlərində uğurla istifadə olunur.

PU Sandwich sistem - dünyada ən çox yayılmış qaçış yolu örtüyüdür və IAAF tərəfindən serfifikatlaşdırılmışdır. Bu sistem beton və ya asfalt alt baza üzərinə döşənən 10mm-lik SBR qranul alt qatından və böyük fraksiyalı EPDM qranul ilə qarışdırılmış iki komponentli poleuretan yapışdırıcı üst qatından ibarətdir. Bu örtük bütün tipli beynəlxalq yüngül atletika səviyyəli yarışlarının keçirilməsi üçün təyin olunub. Gözəl estetik görünüşə malik olan bu örtük təhlükəsizliyi və komfortu ilə seçilir və atletlərin rəğbətini qazanmışdır. Günəş şüalarına və yağışa davamlı olan bu sistem uzun illər elastikliyini və rəngini dəyişmir. Yüksək istismar göstəricilərinə malik olan PU Sandwich sistemi stadionlarda və yüngül atletika bazalarında əsas qaçış yolu örtüyü kimi geniş tətbiq olunur.

Mondo şirkətinin IAAF ilə birlikdə apardığı davamlı tədqiqatları nəticəsində yeni struktura malik MONDOTRACK SX örtüyü yaradılmışdır. Bu örtük 1-ci səviyyəli yüngül atletika yarışlarının keçirilməsi üçün IAAF tərəfindən sertifikatlaşdırılmışdır.

Örtüyün üst qatının spesifik relyef və forması, şipli ayaqqabının maksimal ilişməsi və səthlə təmas sahəsinin artırılması məqsədi ilə işlənib hazırlanmışdır. Bu keyfiyyətlər idmançıya hərəkətlərini tam kontrol etmək və nailiyyətlərini daima yaxşılaşdırmaq imkanı verir. Örtük istənilən hava şəraitində ideal ilişmə, amortizasiya və maksimal zədə təhlükəsizliyinin xüsusiyyətlərinə malikdir.

Bu, yüngül atletika stadionları və manejlərində yarış və məşqlər keçirmək üçün ideal örtükdür.

Relyefli vulkanlaşdırılmış kauçukdan olan üst qat uzun istismar dövrü ərzində maksimal elastiklik və yeyilməyə davamlılıq xassələrinə malikdir. Eyni texnologiya ilə hazırlanmış alt qat optimal amortizasiyalıdır və deformasiyaları dəf edir.